Mesazh për studentët e UV nga Rektori, prof. Roland Zisi

Të dashur sudentë të Universitetit "Ismail Qemali", Vlorë,
Të dashur familjarë të studentëve,

Duke Ju konsideruar pjesetare te familjeve tona, une personalisht, koleget e mi autoritete drejtuese si dhe gjithe pedagoget dhe punonjesit e UV, ne keto dite te veshtira epidemie, Urojme dhe Lutemi nga zemra qe JU dhe NJEREZIT E DASHUR qe Ju rrethojne, te gezoni Shendet te plote! Ju kujtoj se per te perballuar me sukses kete situate, eshte e domosdoshme te tregoni durim dhe qetesi, te shmangni PANIKUN por jo KUJDESIN, te zbatoni rekomandimet e autoriteteve shendetesore, rregullat e thjeshta te higjenes, te sjelljes sociale dhe individuale. Te jeni te bindur se, nese ndjekim keto protokolle te thjeshta, Ju dhe ne te gjithe do te triumfojme mbi COVID-19, mbi kete armik te padukshem por te rrezikshem qe po na kercenon te gjitheve.

Te nderuar studente dhe familjare,
Permes komunikimeve me shume prej Jush, une dhe koleget e mi, pedagoge e drejtues, kemi evidentuar gjithe shqetesimet Tuaja legjitime e njerezore, lidhur me procesin mesimor te nderprere dhe perspektiven e metejshme te tij, ne kushtet e mbylljes se Institucionit dhe karantinimit ne shtepi te pedagogeve dhe studenteve. Per sa u perket ketyre shqetesimeve Ju informoj si me poshte: 1. Kalendari akademik i vitit mesimor 2019-2020 ne UV nuk do te cenohet dhe nuk do te nderpritet por do te zbatohet dhe zhvillohet ne distance, permes procesit mesimor online. 2. Ju garantojmë se asnjë student i UV nuk do të privohet nga procesi mësimor, konsultimet, provimet dhe diplomimet. 3. Strukturat akademike dhe ndihmësakademike të UV janë në përfundim të paketës mesimore online, ne distance, me qellim rikuperimin e oreve te humbura deri tani dhe vijimin e tyre ne javet e ardhshme. Ju do te ndiqni normalisht leksionet, seminaret, ushtrimet ne distance, do te komunikoni me pedagoget tuaj, sipas planifikimeve qe kane bere Grupet e Punes te ngritura ne cdo Fakultet dhe Departament. 4. Qe te garantohet komunikimi juaj me pedagoget dhe drejtuesit e departamenteve, Ju lutemi te aktivizoni adresat Tuaja zyrtare personale. Perditesohuni me njoftimet e publikuara ne WEB-in dhe FB e UV, ne FB e departamenteve si dhe kontaktoni edhe permes aparateve mobile me pedagoget dhe drejtuesit e njesive akademike ku zhvillohen programet tuaja te studimit, sekretarite meesimore dhe specialistet e sherbimit ndaj studenteve ne cdo njesi kryesore. 5. Sistemi i informacionit i UV (UVMS) është në gadishmëri të plotë, ne funksion te rregjistrimit te cdo studenti, sipas Orarit te mesimit ne distance , pergatitur nga cdo fakultet dhe departament, ne lenden apo modulin perkates, te programit te studimit dhe vitit akademik.

Të dashur studentë,
Jemi të gjithë të ndergjegjshëm se në këtë situatë të vështirë epidemie dhe kushteve të izolimit shtëpiak, jeta e gjithësecilit prej nesh ka fituar tipare dhe dimensione te reja. Por ne jemi në gjendje që të përcaktojmë se cilat janë prioritetet e reja të veprimtarisë sonë në këto rrethana. Besoj se jeni në një mendje me ne se këto prioritete janë:
1. Sigurimi i shëndetit individual përmes qëndrimit në shtëpi, respektimit të karantinës, rregullave shëndetesore dhe distancimit social.
2. Kujdesi për të mos infektuar njerëzit e afërt, miqtë, shokët, shoqet, fqinjët etj.
3. Ndërtimi i një jete të shëndetshme brenda shtëpisë, komunikim virtual me miqtë, të afërmit dhe pedagogët tuaj nga të cilët jeni të lutur të kërkoni informacion, asistencë, konsultim dhe përgjigje për cëeshtjet jetësore e sociale që ju shqetësojnë.
4. Ndjekje online të mësimit në distancë, të materialeve pedagogjike të mësimdhënësve Tuaj, ndërveprim dhe interaktivitet smart me ta, lexim, studim dhe komunikim njerezor.

Të dashur studentë,
Cdo ditë shprehemi me fjalë e me veprime se: "UV është një familje e madhe e ngritur mbi vlerat me të mira humane, qytetare dhe akademike". Cdo ditë kemi punuar për të realizuar këtë objektiv të përbashkët, por mendoj se sot është rasti për t'a konsoliduar më shumë këtë familje; së pari, duke ruajtur të paprekur shëndetin personal dhe të njerezve pranë nesh dhe së dyti, duke kryer me dashuri dhe devotshmeri, detyrat dhe detyrimet ndaj njeri-tjetrit.
Në vijim, ju siguroj se, organet drejtuese, pedagogët, drejtuesit e njësive akademike dhe administrative, administrata dhe unë personalisht, po punojmë cdo ditë, në kushte të vështira të moskomunikimit ballëpërballë, me qëllim që Ju të merrni Shërbimin Arsimor që Ju takon dhe të mos cënohen të drejtat Tuaja për: Mësim, Konsultim, Provim dhe Diplomim.
Duke Ju uruar shëndet dhe mbarësi individuale dhe familjare,
Duke Ju shprehur nderim dhe konsideratë të lartë për Ju dhe familjarët Tuaj,
Duke shpresuar se shumë shpejt Ju do të zbukuroni sërish auditoret e UV që tashmë janë bosh,
Duke ju përcjellë përshendetjet më të mira dhe solidare pë Ju, të pedagogëve, drejtuesve dhe strukturave të UV,
Me dashuri prindi dhe mirënjohje për JU,
Miku, shoku, kolegu dhe pedagogu Juaj